Америка президенти бир иҗраийә буйруқиға имза қойди

Америка тор саһәсигә хитай қатарлиқ дөләтләрдин келидиған һуҗумларниң көпәйгәнлики хәвәр қилиниватқан мәзгилдә америка президенти бир иҗраийә буйруқиға имза қоюп, америка сода - санаити вә интернет қурулушини қоғдашқа вәдә бәрди.
Мухбиримиз җүмә
2013.02.13
Share on WhatsApp
Share on WhatsApp


Обама йәнә сәйшәнбә күндики “дөләтниң нөвәттики әһвали” һәққидики нутқида америка дөләт мәҗлисини тор һуҗумиға қаритилған бир қанун түзүп чиқишқа чақирди.

Обама нутқида америкиниң дүшмәнлири “енергийә торимиз, пул - муамилә муәссәсилиримиз вә һава қатнишини башқуруш системимизға бузғунчилиқ қилишни истимәктә” деди.

Обаманиң мәзкур тор бихәтәрлики һәққидики буйруқи бойичә америка дөләтлик өлчәм вә технологийә җәмийити ширкәтләрниң һуҗумға учриғанда қандақ қилиши тоғрисида өлчәм бәлгиләп чиқидикән.

Америкидики нопузлуқ гезитләрдин “ню - йорк вақит гезити”, “вал стрит журнал гезити”, вә “вашингтон почтиси” икки һәптә илгири хитай тор бузарлириниң һуҗумиға учриғанлиқини елан қилған.

Обама һөкүмитиму америкиға тор һуҗуми қиливатқан дөләтләргә агаһландуруш бәргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.