Обама иран һөкүмитини қаттиқ тәләппуз билән тәнқидлиди

Америка президенти барәк обама түнүгүн кәчтә иранни қаттиқ тәләппуз билән тәнқидлиди. Лос анҗилис таймис гезитиниң баян қилишичә, обама түнүгүн кәчтә ечилған ахбарат йиғинида қилған сөзидә 'иран һөкүмитиниң охшимиған пикирләрни қораллиқ бастуруватқанлиқи дуняниң ғәзипини кәлтүрмәктә' деди вә 'иран һөкүмитиниң намайишчиларни бастуруш арқилиқ ғәлибигә еришиши мумкин әмәс' дәп қәйт қилди.
Мухбиримиз вәли
2009-06-24
Share

Б б с ниң баян қилишичә, иранда 6 ‏ - айниң 12 ‏ - күнидин буян давамлишиватқан намайишларда өлтүрүлгән адәм сани түнүгүн 17гә йәткәндә, б д т ниң баш катиби бан кимун бүгүн иранни адәм тутушни дәрһал тохтитишқа чақирди. У чақириқида, иранда 'хәлқниң топлиниш вә пикир баян қилиш әркинлики' гә һүрмәт қилиниши лазимлиқини вә һәр тәрәп ихтилапларни тинч шәкил билән қанунлуқ һәл қилиши лазимлиқини көрсәтти.

Ииран сайлимидики йәнә бир намзат каррубиму, намайишчиларни пәйшәнбә күни теһранда чоң йиғилиш өткүзүп, намайишта өлтүрүлгән кишиләрни хатириләшкә чақирди.

Иранда бир қисим хәлқ президент сайлиминиң нәтиҗисигә нарази болуп намайиш қилғандин кейин, бундақ намайишлар қораллиқ бастурулушқа йүзләнди. Әмма намайиш тохтимиди. Түнүгүн иранниң әң алий диний рәһбири хамейнийниң ислам инқилаби муһапизәт қисимлири намайиишчиларға агаһландуруш бәргәндин кейинму намайиш тохтимиди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт