Obama iran hökümitini qattiq teleppuz bilen tenqidlidi

Amérika prézidénti barek obama tünügün kechte iranni qattiq teleppuz bilen tenqidlidi. Los anjilis taymis gézitining bayan qilishiche, obama tünügün kechte échilghan axbarat yighinida qilghan sözide 'iran hökümitining oxshimighan pikirlerni qoralliq basturuwatqanliqi dunyaning ghezipini keltürmekte' dédi we 'iran hökümitining namayishchilarni basturush arqiliq ghelibige érishishi mumkin emes' dep qeyt qildi.
Muxbirimiz weli
2009-06-24
Share

B b s ning bayan qilishiche, iranda 6 ‏ - ayning 12 ‏ - künidin buyan dawamlishiwatqan namayishlarda öltürülgen adem sani tünügün 17ge yetkende, b d t ning bash katibi ban kimun bügün iranni adem tutushni derhal toxtitishqa chaqirdi. U chaqiriqida, iranda 'xelqning toplinish we pikir bayan qilish erkinliki' ge hürmet qilinishi lazimliqini we her terep ixtilaplarni tinch shekil bilen qanunluq hel qilishi lazimliqini körsetti.

Iiran saylimidiki yene bir namzat karrubimu, namayishchilarni peyshenbe küni téhranda chong yighilish ötküzüp, namayishta öltürülgen kishilerni xatirileshke chaqirdi.

Iranda bir qisim xelq prézidént saylimining netijisige narazi bolup namayish qilghandin kéyin, bundaq namayishlar qoralliq basturulushqa yüzlendi. Emma namayish toxtimidi. Tünügün iranning eng aliy diniy rehbiri xaméyniyning islam inqilabi muhapizet qisimliri namayi'ishchilargha agahlandurush bergendin kéyinmu namayish toxtimidi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet