Obama natoning ali derijilik uchurushishigha qatnashti
Muxbirimiz weli
2009.04.04
2009.04.04
Birleshme agéntliqining bayan qilishiche, bu chong uchrushush, gerche gérmaniye bilen fransiyide zor qarshiliq namayishlargha duch kelgen bolsimu, emma natoning 60 yilliqini xatirilesh künige toghra kelgenliki üchün téximu daghdughiliq ötti. Yighinda barak obama pakistandiki el - qa'idichilerning tehditini tekitlidi.
Bu chong uchrushushta awghanistan stératégiyisi asasi téma qilindi. Emma yighinda, natoning bash katibliqigha körsütülgen namzatlar üstide téxiche pikir birliki hasil bolmidi.
Xewerlerde teswirlinishiche, gérmaniye bash minisitri an'gila markél qatarliq 28 nato döliti bashliqliri bilen fransiyi'e prézidénti sarkozi, ikki tereptin bir nishan'gha qarap kélip, meshhur réyin deryasining körükide uchrashqanliqi, bu chong uchrushushtiki intayin hayajanliq körünüsh bolup qaldi.
Sarkozi bu murasimda , fransiye bilen natoning munasiwiti 40 yil üzülüp qalghandin kéyin, emdi resmi eslige kelgenlikini jakarlidi. Natoning yéngi ezaliridin albaniye, xrowatiye qatarliq döletlerning bashliqlirimu bu murasimgha keldi.