Amérika prézidénti barak obama qirghiz prézidénti roza otunbayéwa bilen uchrishidu
Amérika tashqi ishlar ministirliqining ottura asiya ishlirigha mes'ul xadimi robért bléyk bu heqte bergen melumatida, obamaning "qirghizistandiki saylamni démokratik we adil bir yosunda élip bérish" mesilisi üstide sözlishidighanliqini éytqan.
Fransiye agéntliqining xewer qilishiche, amérika hazir ottura asiya döletliri ichidiki tunji démokratik parlamént saylimining, "tinch we adil" élip bérilishigha alahide köngül bölüwatqan bolup, amérika buning üchün qirghizistan'gha 5 milyon dollar yardem puli ajratqan.
Qirghizistanda bu yil 6 - ayda özbékler bilen qirghizlar arisida étnik toqunush yüz bérip, yüzdin artuq adem hayatidin ayrilghan. Uningdin kéyinmu qirghizistanning bezi rayonlirida qalaymiqanchiliqlar toxtimay yüz bérip turghan idi.
Qirghiz prézidénti roza otunbayéwa, bezi kishilerning saylamni bahane qilip, qutratquluq qilishqa urunuwatqanliqini, eger ehwal dawam qilsa saylamni bikar qilishi mumkinlikini bildürgen idi.
Bügün amérikining ottura asiya ishlirigha mes'ul xadimi robért bléyk muxbirlargha qilghan sözide, qirghizistandiki saylamning emeldin qaldurulush éhtimalining töwen ikenlikini éytqan. U yene, qirghizistandiki weziyetning tinch ikenliki, herqaysi partiyilerning bu qétimliq saylamni özliri üchün bir purset dep qarawatqanliqini, shunga saylamning normal élip bérilidighanliqigha ishinidighanliqini éytqan.
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- “Xitayning dölet halqighan basturush xewpi we buninggha qarshi amérikaning inkasi”
- Xitay j x ministiri jaw kéji: “Shinjangdiki küreshte shi jinpingning ümidi emelge ashti!” (1)
- Yoqitiliwatqan Uyghur milliy örp-adetliri
- Türkiyediki Uyghurlar duch kéliwatqan qiyinchiliqlarni hel qilish üchün türkiye hökümitige iltimas sunuldi
