Обама билән путин обаманиң русийә зиярити һарписида өз ‏ - ара бир - биригә һуҗум қилди

Обама русийә - америка мунасвитини бир тәрәп қилишта путинниң бир пути йәнила соғуқ мунасивәтләр дәвридә тохтап қалғанлиқини илгири сүргән иди. Путин, җүмә күни елан қилған бу һәқтики баянатида русийә хәлқи икки путида мустәһкәм турғанлиқи үчүн русийиниң қудрәт тепиватқанлиқини илгири сүргән.

Пат йеқинда русийини зиярәт қилидиған обама йәнә мундақ дегән: "русийә шуни билиши керәкки, америка билән болған мунасивәтләрдә қоллиниватқан 'соғуқ мунасивәтләр усули' ниң вақти өтти." Обама билән путин арисидики ихтилап президент обама 6‏ - числа русийини зиярәт қилип, президент мисвидив вә баш министир путин билән учришидиған мәзгилгә тоғра кәлгән.

Шу күни явропа бихәтәрлик вә һәмкарлиқ тәшкилати йиғин ечип, натсистлар германийиси вә сталин дәвридә өлгән қурбанларни хатириләйдиған мәхсус хатирә күн тәсис қилишни мақуллиған иди. Қарарнамидә сталин дәвридики совет иттипақи вә натсистлар германийиси истибдат һакимийәтләр болуп, явропада ирқий тазилаш вә инсанийәткә қарши җинайәт садир қилған дәп әйибләнгән. Русийә вәкили болса йиғиндин ғәзәп билән чекинип чиққан.