Qazaq metbu'atliri : amérika prézidénti barak obama bu yil qazaqistanni ziyaret qilidu

Qazaqistanda chiqidighan " qazaqistan heqiqiti" gézitining tarqatqan amérika prézidénti barak obamaning bu yil ichide qazaqistanni resmiy ziyaret qilidighanliqi heqqidiki uchuridin melum bolushiche, amérika qoshma shtatlirining prézidéntining qazaqistan sepiridin kéyin, 2010 - yili qazaq rehbiri nursultan nazarbayéw washin'gtonda aq sarayda resmiy ziyarette bolidu.
Muxbirimiz ümidwar
2009.05.10

Mezkur ikki prézidéntning öz - ara ziyariti amérika dölet ishliri sékrétari xilari klinton bilen qazaqistan tashqi ishlar ministiri marat tajinning uchrishishidin kéyin ashkarilandi.

Qazaqistan heqiqiti gézitining uchurida yézilishiche, marat tajin özining xilari klinton bilen körüshüsh jeryanida ikki prézidéntining öz - ara ziyaret kün tertipini otturigha qoyghan hemde prézidént barak obamani qazaqistan'gha teklip qilghan shuningdek nazarbayéwningmu 2010 - yili washin'gtonni ziyaret qilish pikrini otturigha qoyghan.

Qazaq metbu'atining yézishiche, barak obama saylamda ghelibe qilghan, emma téxi prézidéntliq qesemiyat murasimi ötküzmigen chaghdila, nursultan nazarbayéw bilen téléfon söhbiti qilghan bolup, qazaq metbu'atining ashkarilishiche, söhbette, amérika bilen qazaqistanning buningdin kéyinki hemkarliq mesilisi muzakire qilin'ghan, ene shuningdin étibaren astana rehberliri barak obamaning astanani ziyaret qilishini ümid qilghan idi.
 
 

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.