20 - Yanwar küni, 44 - nöwetlik amérika prézidénti qesem bérip wezipe tapshuruwalidu

Ete yeni 20 - yanwar seyshenbe küni, 44 - nöwetlik amérika prézidénti qesem bérip wezipe tapshuruwalidighan bolup, bu nöwetlik amérikida prézidénti afriqa ériqidin bolghan tunji amérika prézidénti barak obamadur.
Muxbirimiz jüme
2009-01-19
Élxet
Pikir
Share
Print

Amérikidiki kishilik hoquq pa'aliyetchiliri, barak obamaning prézidént bolup saylinishni, amérikidiki irqiy ayrimichiliq we irqiy öchmenlikning xatimisi we bundin 40 yil burun qestke uchrap ölüp ketken qara tenlik kishilik hoquq pa'aliyetchisi, nobél tinchliq mukapati sahibi martin lutir kingning "hemme adem barawer" lik ghayisining ré'alliqqa aylinishi, dep qarashmaqta.

Yéngidin saylan'ghan amérika prézidénti barak obama, nöwette dunya boyiche eng küchlük munazire qozghighan shexslerning biri bolup, u hoquq tapshuruwalghandin kiyin amérikining gu'antanamo herbiy türmisini taqaydighanliqi heqqide wede bergen idi.

Obamaning mezkur pilani dunya jama'etchilikining alqishigha érishken bolup, uning meslihetchiliri, gu'antanamoni taqash barak obama wezipige olturghandin kiyin alidighan tunji muhim qedemlirining bir bolushi mumkinlikini otturigha qoyghan.

Amérikining gu'antanamodiki herbiy türmiside 17 neper Uyghur yashmu tutup turuluwatqan bolup, nöwette dunyaning herqaysi jayliridiki Uyghur teshkilatliri mezkur Uyghurlarni özliri turushluq döletlerge jaylashturush üchün her türlük tirishchanliqlarni körsetmekte.


Toluq bet