Обама шаңхәйдә универсал кишилик һоқуқ, диний етиқад әркинлики вә учур - ахбарат әркинликигә һөрмәт қилиш һәққидә сөзлиди

Америка президенти обама хитай зияритиниң тунҗи күни кишилик һоқуқ мәсилисини тилға алди вә интернет алақисиниң чәкләнмәслики лазимлиқини илгири сүрди.
Мухбиримиз җүмә
2009-11-16
Share

У бу һәқтики сөзләрни 16 - ноябир дүшәнбә күни, шаңхәй шәһәрлик һөкүмәт бинасида сөзлигән нутқида оттуриға қойди.

Президент обама америка - хитай сода мунасивәтлири вә икки дөләт һәмкарлиқи һәққидә тохталғандин кейин, универсал кишилик һоқуқ, диний етиқад әркинлики вә учур - ахбарат әркинликигә һөрмәт қилишиниңму зөрүрлүки һәққидә тохталди. У бу һәқтә тохтилип мундақ деди: "биз сөз - пикир вә диний етиқад әркинлики, ахбарат - учурларға еришиш вә сиясийға қатнишиш һоқуқи, мәйли америкида болсун вә мәйли җуңгода болсун, етник милләтләр вә диний аз санлиқ гуруппиларни өз ичигә алған һәммә адәмләргә ортақ берилиши керәк дәп қараймиз."

У йәнә, учур вә интернет әркинлики һәққидә соралған соалларға җаваб берип: "мән әзәлдин интернетни очуқ қоюветишни күчлүк қоллап кәлдим. Мән интернетни чәклимәсликни әң күчлүк қоллиғучилардин бири," деди. У йәнә, учур - ахбарат қанчики әркин қоюветилсә, җәмийәтниң шунчики мустәһкәмлинидиғанлиқини оттуриға қойди.

Обама шаңхәйдики зияритини аяғлаштурғандин кейин, бейҗиңға йетип кәлди. Хитай муавин рәиси ши җинпиң президент обамани күтүвелишқа чиқти.

Обама хитай рәиси ху җинтав билән сөһбәт елип барғандин кейин, хитай дөләт зияпитигә қатнашти. Һалбуки, президент обаманиң хитай рәиси ху җинтав билән қайси темиларда сөзләшкәнлики һазирчә намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт