Obama shangxeyde uniwérsal kishilik hoquq, diniy étiqad erkinliki we uchur - axbarat erkinlikige hörmet qilish heqqide sözlidi

Amérika prézidénti obama xitay ziyaritining tunji küni kishilik hoquq mesilisini tilgha aldi we intérnét alaqisining cheklenmesliki lazimliqini ilgiri sürdi.
Muxbirimiz jüme
2009-11-16
Share

U bu heqtiki sözlerni 16 - noyabir düshenbe küni, shangxey sheherlik hökümet binasida sözligen nutqida otturigha qoydi.

Prézidént obama amérika - xitay soda munasiwetliri we ikki dölet hemkarliqi heqqide toxtalghandin kéyin, uniwérsal kishilik hoquq, diniy étiqad erkinliki we uchur - axbarat erkinlikige hörmet qilishiningmu zörürlüki heqqide toxtaldi. U bu heqte toxtilip mundaq dédi: "biz söz - pikir we diniy étiqad erkinliki, axbarat - uchurlargha érishish we siyasiygha qatnishish hoquqi, meyli amérikida bolsun we meyli junggoda bolsun, étnik milletler we diniy az sanliq guruppilarni öz ichige alghan hemme ademlerge ortaq bérilishi kérek dep qaraymiz."

U yene, uchur we intérnét erkinliki heqqide soralghan so'allargha jawab bérip: "men ezeldin intérnétni ochuq qoyuwétishni küchlük qollap keldim. Men intérnétni cheklimeslikni eng küchlük qollighuchilardin biri," dédi. U yene, uchur - axbarat qanchiki erkin qoyuwétilse, jem'iyetning shunchiki mustehkemlinidighanliqini otturigha qoydi.

Obama shangxeydiki ziyaritini ayaghlashturghandin kéyin, béyjinggha yétip keldi. Xitay mu'awin re'isi shi jinping prézidént obamani kütüwélishqa chiqti.

Obama xitay re'isi xu jintaw bilen söhbet élip barghandin kéyin, xitay dölet ziyapitige qatnashti. Halbuki, prézidént obamaning xitay re'isi xu jintaw bilen qaysi témilarda sözleshkenliki hazirche namelum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet