Barak obama: amérika islam dunyasi bilen urush qilmaydu

Türkiyide ziyarette boluwatqan amérika prézidénti barak obama, 6 - aprél türkiye parlaméntida sözligen nutqida amérikining héch zaman islam dunyasi bilen urush qilmaydighanliqini bildürdi.
Muxbirimiz jüme
2009-04-06
Share

Prézidént obama nutqida: " amérika qoshma shtatliri islam gha qarishi urush qiymaywatidu hem menggü qilmaydu" dédi. Uning bu bayanliri türkiye parlamént ezalirining küchlük alqishigha érishti.

Barak obama nutqida yene, amérikining islam dunyasi bilen bolghan munasiwitining peqet " el qa'ide" bilen élip bériwatqan urushni chiqish nuqtisi qilmaydighanliqini otturigha qoydi we " biz öz ara menpe'et we hörmet asasigha qurulghan téximu kengri munasiwet ornitishni izdeymiz" dédi.
 
Obama sözide yene amérikida nurghun a'ililerde musulman barliqi we yaki ularning musulman döletliride yashap baqqanliqini bildürdi we: "bularni bilishimdiki seweb menmu shularning biri" dédi.

Derweqe, amérika prézidénti barak hüseyin obamaning dadisi kéniyilik musulman bolup, shunga uning ottura ismi hüseyin. Uningdin bashqa, obama ösmürlük dewrining bir qisimni islam döliti hindonéziyide ötküzgen idi.

Barak obamaning türkiye parlaméntidiki nutqi u prézidént bolup saylan'ghandin kéyin tunji qétim chet'el parlaméntida sözligen nutqi bolup hésablinidu.

Prézidént obama enqerediki ziyaritini ayaghlashturup istanbulgha qarap yol alghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.