Amérika xitayning alem boshluqi tereqqiyat pilanining gherizige éniqlima bérishni ümid qildi

Amérika istiratigyilik qomandanliq shtabining qomandani général kewin chilton, xitayning alem boshluqi téxnikisining téz rawajliniwatqanliqini, lékin amérika xitayning alem boshluqi téxnikisini rawajlandurush pilanini yolgha qoyushtiki meqsitini aydinglashturuwélishni ümid qilidighanliqini bildürgen.
Muxbirimiz erkin
2009-11-05
Share

Chilton, alem boshluqi her qaysi ellerning riqabet meydani bolup kéliwatqanliqini, xitayning alem boshluqi téxnikisini rawajlandurush pilani yéqinqi 10 yildin buyan téz ilgirileshke ériship, közetküchilerni heyran qaldurghanliqini, lékin bu xitayning herbiy tereqqiyatini ochuq - ashkara tutushning muhimliqini namayen qiliwatqanliqini tekitligen.

Buningdin sel burun, xitay hawa armiyisining qomandani shü chilyang, xitay hawa armiyisi qurulghanliqining 60 yilliqi munasiwiti bilen xitay metbu'atlirining ziyaritini qobul qilip, "melum menidin éytqanda, alem boshluqini kontrol qilish yer yüzini, déngiz we éléktron dunyasini kontrol qilish démekliktur" dégen. Uning alem boshluqi herbiy hazirliqlar musabiqisining yüz bérishi" tarixiy muqerrerlik" dégen sözi, xelq'ara metbu'atlar we herbiy közetküchilerning diqqitini qozghap, xitayning alem boshluqi herbiy hazirliqlirigha qarshi turush meydanida özgirish boluwatamdu ? dégen gumanni qozghighan.

Xitay tashqi ishlar ministirliqi bayanatchisi ma jawshüy peyshenbe küni muxbirlarning bu heqtiki so'allirigha jawab bérip, xitayning alem boshluqini herbiy hazirliqlardin xali qilish meydanida özgirish bolghanliqini ret qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet