ئوباما خىتاي زىيارىتى مەزگىلىدە خىتايدىكى كىشىلىك ھوقۇق مەسىلىسىنى ئوتتۇرىغا قويىدىغانلىقىنى بىلدۈردى
ئاقساراي باياناتچىسىنىڭ بىلدۈرۈشىچە، ئوباما خىتاي رەئىسى خۇ جىنتاۋ بىلەن ئامېرىكا - خىتاي ئوتتۇرىسىدىكى سودا مۇناسىۋىتى، دۇنيا كىلىماتى مەسىلىلىرى ھەققىدە سۆھبەت ئېلىپ بارغاندىن سىرت، خىتايدىكى پۇقرالارنىڭ پىكىر ئەركىنلىكى، دىنىي ئېتىقاد ئەركىنلىكى، قانۇن -تۈزۈم مەسىلىسى ھەم تىبەت مەسىلىسى قاتارلىقلارنىمۇ ئوتتۇرىغا قويىدىكەن.
ئامېرىكا دىنىي ئىشلار ئەركىنلىكى كومىتېتىمۇ دۈشەنبە كۈنى ئوباماغا خەت يېزىپ، ئوبامانىڭ بۇ نۆۋەتلىك خىتاي زىيارىتى مەزگىلىدە، خىتاي دائىرىلىرىگە خىتايدىكى دىنىي ئېتىقاد ئەركىنلىكى مەسىلىسى ھەم خىتاينىڭ قانۇن - تۈزۈملىرى مەسىلىسى ھەققىدىكى سۆھبەتنى مۇھىم ئورۇنغا قويۇشنى تەكىتلەش بىلەن بىللە، كىشىلىك ھوقۇق مەسىلىسىنىڭ ئامېرىكا - خىتاي مۇناسىۋىتى تەرەققىياتىدا مۇھىم ئورۇندا تۇرىدىغانلىقىنى تەكىتلىدى.
خەلقئارا كىشىلىك ھوقۇق تەشكىلاتلىرى شۇنداقلا دۇنيا ئۇيغۇر قۇرۇلتىيىمۇ ئوبامادىن زىيارىتى جەريانىدا خىتاينىڭ كىشىلىك ھوقۇق مەسىلىلىرىنى ئوتتۇرىغا قويۇشنى تەلەپ قىلغان ئىدى.
- نۇرى تۈركەل: «مېنىڭ كومىسسارلىق خىزمىتىم بولسۇن ۋە ياكى ھازىرقى رەئىسلىك خىزمىتىم بولسۇن ھەممىسى ئاساسلىق ئۇيغۇرلارنىڭ خىزمىتىنى قىلىشنى مەركەز قىلغان»
- بەختىيار بۆرە: «مەن ئۇيغۇر، مەن تېررورچى ئەمەس، ئىرقىي قىرغىنچىلىقنى توختات»
- ئامېرىكا ئۇيغۇر ئاكادېمىيەسىنىڭ 3-نۆۋەتلىك سايلىمىدا ئالدىنقى خىزمەتلەر خۇلاسىلىنىپ يېڭى پىلانلار ئوتتۇرىغا قويۇلدى
- دۇنيا مۇساپىرلار كۈنىدە ئۇيغۇر مۇساپىرلىرىنى كاناداغا يەرلەشتۈرۈش ھەققىدە تەكلىپ لايىھەسى سۇنۇلدى
- دوكتور ئادرىيان زېنز گېرمانىيەدىكى ئۇيغۇر جامائىتى تەرىپىدىن قىزغىن ئالقىشلاندى
