Президент обама сода мәсилисидә хитайға қаттиқ позитсийә тутидиғанлиқини билдүрди

Америка президенти барак обама чаршәнбә күни америка дөләт мәҗлисиниң кеңәш палатасидики демократик әзаларға сөз қилип, сода мәсилисидә хитайға қаттиқ позитсийә тутидиғанлиқини билдүрди. Хитай һөкүмити болса обаманиң сөзигә инкас қайтуруп, хитайниң сода мәсилисидики мәйданини ақлиди.
Мухбиримиз әркин
2010-02-04
Share

Президент обама америкиниң хитай вә башқа дөләтләргә үзлүксиз бесим ишлитип, бу дөләтләрниң базирини ечиветишкә мәҗбурлайдиғанлиқини билдүргән иди. У, америка һәр қайси дөләтләрниң пул сияситини көзитип, пулни контрол қилиш усули билән содида адаләтсиз риқабәт үстүнлүкигә еришишни тосашниң зөрүрлүкини әскәртти.

Обама оттуриға қойған бу мәсилә, узундин бери америка - хитай арисида талаш - тартиштики мәсилә болуп, америка хитайни хәлқ пулиниң қиммитини тизгинләп, содида адаләтсизлик қилиш билән әйибләп келиватқан иди.

Пәйшәнбә күни хитай ташқи ишлар министирлиқи баянатчиси ма җавшуй обаманиң сөзигә инкас қайтуруп, хәлқ пулиниң қиммити җуңго ‏- америка арисидики содидики тәңпуңсизлиқниң асаси сәвәби әмәслики, дипломатик бесим хәлқ пули мәсилисини һәл қилишқа ярдәм қилалмайдиғанлиқини тәкитлигән. У, америка тәрәпниң америка - хитай арисидики сода һәмкарлиқиға соғуққанлиқ билән муамилә қилип, мәсилини баравәрлик асасида мәслиһәтлишип һәл қилишни үмид қилидиғанлиқини билдүргән. 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт