Prézidént obama soda mesiliside xitaygha qattiq pozitsiye tutidighanliqini bildürdi

Amérika prézidénti barak obama charshenbe küni amérika dölet mejlisining kéngesh palatasidiki démokratik ezalargha söz qilip, soda mesiliside xitaygha qattiq pozitsiye tutidighanliqini bildürdi. Xitay hökümiti bolsa obamaning sözige inkas qayturup, xitayning soda mesilisidiki meydanini aqlidi.
Muxbirimiz erkin
2010-02-04
Share

Prézidént obama amérikining xitay we bashqa döletlerge üzlüksiz bésim ishlitip, bu döletlerning bazirini échiwétishke mejburlaydighanliqini bildürgen idi. U, amérika her qaysi döletlerning pul siyasitini közitip, pulni kontrol qilish usuli bilen sodida adaletsiz riqabet üstünlükige érishishni tosashning zörürlükini eskertti.

Obama otturigha qoyghan bu mesile, uzundin béri amérika - xitay arisida talash - tartishtiki mesile bolup, amérika xitayni xelq pulining qimmitini tizginlep, sodida adaletsizlik qilish bilen eyiblep kéliwatqan idi.

Peyshenbe küni xitay tashqi ishlar ministirliqi bayanatchisi ma jawshuy obamaning sözige inkas qayturup, xelq pulining qimmiti junggo ‏- amérika arisidiki sodidiki tengpungsizliqning asasi sewebi emesliki, diplomatik bésim xelq puli mesilisini hel qilishqa yardem qilalmaydighanliqini tekitligen. U, amérika terepning amérika - xitay arisidiki soda hemkarliqigha soghuqqanliq bilen mu'amile qilip, mesilini barawerlik asasida meslihetliship hel qilishni ümid qilidighanliqini bildürgen. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet