Ху җинтав билән обама көрүшкәндә уйғур мәсилиси оттуриға қоюлди

Ху җинтав обаманиң хитай - америка арисидики назук мәсилиләрни мувапиқ бир тәрәп қилишини оттуриға қоюп, америка тәрәпниң хитайни чүшинишини тәләп қилған.

Хәвәрләргә қариғанда ху җинтав уйғур елиниң вәзийитини тонуштурғанда америка тәрәпниң хитай дөләтниң бирликини қоғдаш үчүн қолланған тәдбирлирини чүшинишини, шәрқий түркистан тәшкилатлириниң америкида хитайға қарши паалийәт елип беришиға йол қоймаслиқни тәләп қилған.

Хәвәрләрдә йәнә ху җинтавниң тәйвән, тибәт вә шинҗаң мәсилиси җоңгониң игилик һоқуқи вә земин пүтүнликигә мунасивәтлик мәсилә, бу бир милярд 300 милйон хитай хәлқиниң милли һессиятиға четилиду, дегәнликини язди. Лекин, обама америкиниң юқириқи мәсилиләрдики изчил мәйданини тәкитлигән шундақла өзиниң 11 ‏- айда хитайни зиярәт қилишни күтүватқанлиқини билдүргән.

Америка әмәлдарлириниң ашкарилишичә, тәрәпләр бу қетимқи учришишида мәркәзлик иран, шималий корийә вә йәр шари һәм район характерлик мәсилиләрни музакирә қилған.

Анализчиларниң әскәртишичә, бу америка президентиниң хитай рәһбири билән уйғур мәсилисини б д т күнлүки астида тунҗи қетим музакирә қилиши болуп һесаблинидикән.