Obama londonda xujintaw bilen tunji qétim körüshti

Amérika prézidénti barek obama bu qétimqi yawrupa ziyaritide, aldi bilen 20 chong dölet bashliqlirining ali derijilik uchrushishigha qatnishish üchün londun'gha bardi.
Muxbirimiz weli
2009-04-01
Share

Uningdin kéyin, obama yene fransiye, gérmaniyilerni ziyaret qilidu, nato döletlirining ali derijilik uchrushishigha qatnishidu, axirida türkiyini ziyaret qilidu.

Birleshme agéntliqining londodin bayan qilishiche, dunya sehnisige qedem basqili aran ikki ay bolghan barek obama, londonda échilghan 20 chong dölet bashliqlirining ali derijilik uchrushishda, aldi bilen, bu uchrishish gerche nahayiti chong bolsimu, emma uning dunyawiy iqtisadiy kirzisni derhal qutquzushigha bolghan ümid undaq chong bolmaywatqan weziyetke duch keldi we yéngi dunyawiy pul qollinishni otturigha qoyup, dunyaning tertibide eng yuqiri orunda turup kéliwatqan amérika dollirining dunyadiki hökümranliqini axirlashturush üchün riqabet qiliwatqan xitay bilen rusiyining gepdan rehberliri bilen sözlishike toghra keldi.

B b s ning bayan qilishiche, obama xujintaw bilen körüshkede, u, xujintawning xitayni ziyaret qilish heqqide qoyghan teklipini qobul qildi we xujintaw bilen amérika - xitay otturisida pul mu'amile séstimisi, shimali koriye bilen iranning yadro qoral pilani mesilisi, sudandiki insanperwelik mesilisi qatarliq mebsliler boyiche hemkarliqni yolgha qoyushqa we kishilik hoquq söhbitini eslige keltürüshke pütüshti.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet