Barak obama yaponiyige yétip keldi

Birleshme agéntliqining xewer qilishiche, bu qétimliq tereqqiy qilghan we qiliwatqan 20 dölet bashliqliri yighinida amérika we xitay arisidiki pul qimmiti mesilisi alahide kün tertipke kelgen. Amérika prézidénti barak obama xitayning pul qimmitini qesten kontrol qilishi netijiside amérika we bashqa döletlerning iqtisadi jehette ziyan tartiwatqanliqini otturigha qoyghan.

Obama yighindin kéyin qilghan sözide pul qimmiti mesilisini hel qilish üchün téximu köp ish kétidighanliqini, g 20 dölet rehberlirining pulning oborottiki almishish qimmitini erkin bazarning belgilishi kérekliki heqqide ortaq qarar alghanliqini éytqan.

Melum bolushiche, amérika prézidénti barak obama g 20 döletlirining siy'uldiki uchrishishini ayaghlashturup, yaponiyining yokoxoma shehirige yétip kelgen. Obama bu yerde asiya ténch okyan iqtsadiy hemkarliq teshkilatining yighinigha qatnishidu. Barak obama yighinda asiyadiki döletler arisida erkin tijaret kélishimining imzalinishi üchün bésim ishlitidiken.

Bügün xitay prézidénti xujintawmu yighin'gha qatnishish üchün yaponiyige yétip keldi. Bu uning yaponiye bilen xitay arisida kéme weqesi seweblik yüz bergen diplomatik sürkilishtin kéyin tunji qétim yaponiyige kélishi bolup hésablinidu.