Обама явропа зияритини башлиди

Америка президенти барак обама, сәйшәнбә күни вашингтондин айрилип, вәзипә өтәшкә башлиғандин буянқи тунҗи явропа зиярити үчүн йүрүп кәтти.
Мухбиримиз гүлчеһрә
2009-03-31
Share

Обаманиң явропа зияритиниң биринчи бекити беританийә. Обама сәккиз күнлүк бу зиярити давамида лондонда йигирмә дөләт алий рәһбәрлири йиғиниға қатнашқандин кейин, шималий атлантик әһди тәшкилати рәһбәрлири билән учришиду.

Бу обаманиң америка қошма штатлири рәһбири сүпити билән тунҗи қетим дуня сиясий сәһнисидә көрүниши болуп һесаблиниду. Шундақла бу җәрянда бәш дөләттә зиярәттә болиду. Ақ сарай учурлириға қариғанда обама лондонда йиғинға қатнишиш җәрянида йәнә русийә, хитай, һиндистан, сәуди әрәбистан рәһбәрлири билән айрим сөһбәтләр өткүзүшни пиланлиған.

Обама йигирмә дөләт алий рәһбәрлири йиғинида өзиниң йеңичә һакимийәт башқуруш усули вә иқтисадни тирилдүрүш тактикилирини оттуриға қойиду һәмдә дөләтни идарә қилиш мәсулийити шуниңдәк дуня иқтисадий кризисини һәл қилиш тоғрулуқ башқа дөләт рәһбәрлири билән пикирлишишкә қатнишиду.

Обаманиң бу қетимқи явропа зиярити йәнә, америка русийә мунасивәтлиридә көрүлгән ихтилапларни һәл қилиш, шималий атлантик әһди тәшкилатидин афғанистанға йәниму көп әскәр әвәтишни тәләп қилиш, явропа бирлики рәһбәрлири йиғиниға қатнишиш қатарлиқларни мәқсәт қилған. Обаманиң явропа зияритиниң ахирқи бекити түркийә.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт