Хитай он йил ичидә кәмбәғәлчиликни йоқитидиғанлиқини елан қилди

Хитай дөләт ишлири кабинетиниң намратлиқни йөләш вә тәрәққият рәһбәрлик гурупписи йеқинқи 10 йил ичидә пүтүн хитай бойичә намратлиқ әһвалиниң асасий җәһәттин йоқитилидиғанлиқини билдүргән.
Мухбиримиз үмидвар
2010.12.26

Әнглийә б б с агентлиқиниң хәвәр қилишичә, мәзкур рәһбәрлик хизмәт гурупписиниң мәсули фән шявҗән 2015-йили, намратлиқниң көрүнәрлик азийидиғанлиқи, 2020-йилиға кәлгәндә асасий җәһәттин йоқитилидиғанлиқини билдүргән.

Нөвәттә, пүтүн хитай бойичә намратларниң йүз милйонға йетидиғанлиқи мөлчәрлиниватқан болуп, уйғур ели вә тибәт қатарлиқ миллий районлар хитай бойичә әң намрат районлар һесаблинидикән. Болупму, уйғурларниң 70 %din көпрәки җайлашқан тәңри тағлириниң җәнубий қисмидики қәшқәр, хотән, қизил су вә ақсу қатарлиқ үч вилайәт һәм бир област хитай бойичә әң намратлар җайлашқан нуқтилар болуп, уйғурлар әнә шу намрат аһалиниң асаслиқ қисмини тәшкил қилидикән.

Бирақ, уйғур сиясийонлири хитай бойичә әң намрат дәп қариливатқан тарим вадисиниң һазир хитайниң әң муһим нефит базиси вә әң чоң тәбиий газ базиси болуп қалғанлиқи,  ғәрбниң нефитни шәрққә йөткәш, ғәрбниң газини шәрққә йөткәш туруба қурулушлири арқилиқ тарим вадисидики нефит һәм тәбиий газларниң хитайниң ичкири өлкилиригә тошулуватқан болсиму, әмма, бу җайдики уйғурларниң йәнила әң намрат хәлққә айлинип қалғанлиқини тәнқид қилмақта.

Хитай мәркизий һөкүмитиниң мәзкур әмәлдари сөзидә уйғур елиниң җәнубидики үч вилайәт вә областниң кәмбәғәл җайлар икәнлики, дөләтниң буни өзгәртиш үчүн мәбләғ салидиғанлиқини әскәрткән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.