Xitay on yil ichide kembeghelchilikni yoqitidighanliqini élan qildi

Xitay dölet ishliri kabinétining namratliqni yölesh we tereqqiyat rehberlik guruppisi yéqinqi 10 yil ichide pütün xitay boyiche namratliq ehwalining asasiy jehettin yoqitilidighanliqini bildürgen.
Muxbirimiz ümidwar
2010.12.26

En'gliye b b s agéntliqining xewer qilishiche, mezkur rehberlik xizmet guruppisining mes'uli fen shyawjen 2015-yili, namratliqning körünerlik aziyidighanliqi, 2020-yiligha kelgende asasiy jehettin yoqitilidighanliqini bildürgen.

Nöwette, pütün xitay boyiche namratlarning yüz milyon'gha yétidighanliqi mölcherliniwatqan bolup, Uyghur éli we tibet qatarliq milliy rayonlar xitay boyiche eng namrat rayonlar hésablinidiken. Bolupmu, Uyghurlarning 70 %din köpreki jaylashqan tengri taghlirining jenubiy qismidiki qeshqer, xoten, qizil su we aqsu qatarliq üch wilayet hem bir oblast xitay boyiche eng namratlar jaylashqan nuqtilar bolup, Uyghurlar ene shu namrat ahalining asasliq qismini teshkil qilidiken.

Biraq, Uyghur siyasiyonliri xitay boyiche eng namrat dep qariliwatqan tarim wadisining hazir xitayning eng muhim néfit bazisi we eng chong tebi'iy gaz bazisi bolup qalghanliqi,  gherbning néfitni sherqqe yötkesh, gherbning gazini sherqqe yötkesh turuba qurulushliri arqiliq tarim wadisidiki néfit hem tebi'iy gazlarning xitayning ichkiri ölkilirige toshuluwatqan bolsimu, emma, bu jaydiki Uyghurlarning yenila eng namrat xelqqe aylinip qalghanliqini tenqid qilmaqta.

Xitay merkiziy hökümitining mezkur emeldari sözide Uyghur élining jenubidiki üch wilayet we oblastning kembeghel jaylar ikenliki, döletning buni özgertish üchün meblegh salidighanliqini eskertken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.