Yaponiye saqchiliri örkesh döletni qoyup berdi

Yaponiye saqchiliri, mushu ayning 4 - iyun küni yaponiyining tokyo shehiridiki xitay elchixanisi aldida naraziliq pa'aliyiti ötküzgen 1989 - yilidiki tyen'enmén oqughuchilar herikitining dahiysi örkesh döletni tutup turghandin kéyin qoyup berdi.
Muxbirimiz ümüdwar
2010.06.06

Metbu'atlarning ashkarilishiche, 4 - iyun küni örkesh dölet qatarliq bir qisim kishiler tokyodiki xitay elchixanisining aldida 4 - iyunni xatirilesh pa'aliyiti ötküzgen. Bu jeryanda, örkesh dölet xitay elchixana da'irisi ichige kirip, xitay terepning özini tutup sotlishigha tapshurush herikiti élip barghan, emma xitay terep bu heriketke inkas qaturmighandin kéyin, u, xitay elchixanisigha rishatkilardin atlap kirishke urun'ghanda  tertip qoghdawatqan yaponiye saqchiliri teripidin qolgha élin'ghan idi.

B b s agéntliqining xewer qilishiche, yaponiye saqchiliri melum waqittin kéyin, uni qoyup bergen. Eslide xitay hökümiti 1989 - yili örkesh dölet üstidin tutush buyruqi chiqarghan bolup, örkesh bu qétim özini melum qilip, xitayda sotlinish arqiliq özini aqlimaqchi we körüshmigili uzun waqit bolghan ata - anisi bilen körüshmekchi bolghan.

Eyni waqitta 21 yashqa kirgen örkesh hazir 42 yashqa kirgen bolup, u teywende yashaydu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.