Örkesh dölet, béyjing da'irilirining xitaygha qaytishigha ruxset qilishini ümid qildi

1989 ‏ - Yili yüz bergen tyenenmén oqughuchilar herikitining rehbiri, chet'eldiki xitay öktichilik herikitining Uyghur rehbiri örkesh dölet, özining xitaygha qaytishni arzu qilidighanliqini, chet'eldiki xitay öktichilirining dölitige qaytishigha ruxset qilinishini ümid qildi.
Muxbirimiz erkin
2009-04-03
Élxet
Pikir
Share
Print

Örkesh dölet bu sözlerni amérika awazi radi'osining ziyaritini qobul qilghanda tekitligen bolup, u yene eger béyjing hökümiti özlirining xitaygha qaytishigha ruxset qilsa, da'iriler otturigha qoyghan bezi shertlerni qobul qilidighanliqini bildürgen.

Örkesh dölet, tyenenmén weqesi basturulup chet'elge qéchip chiqqandin kéyin bir mezgil amérikida yashighan, kéyinrek teywenlik bir xitay qiz bilen toy qilip, teywen'ge ketken idi. U özining xitay démokratiye herikiti ichidiki orni toghrisida toxtilip mundaq dégen:" méning oynashqa tégishlik rolum öktichilik roli, men bu rolni oynaydighan yer junggo. Sergerdanliq hayatini tézrek axirlashturup junggogha qaytish bizning eng zor arzuyumiz."

Weziyettin xewerdar kishilerning eskertishiche, örkesh dölet amérikigha qéchip chiqqan deslepki yillarda Uyghur herikitining amérika we se'udi erebistandiki gholluq shexsliridin bezi erbaplar, örkeshni Uyghur herikitige yétekchilik qilishqa teklip qilghan. Biraq örkesh bu teklipni ret qilghan.

Örkeshning eskertishiche, eger özlirining xitaygha qaytishigha ruxset qilinsa, tyenenmén weqesini aqlashni kéchiktürüshke bolidighanliqi, lékin özliri xitaygha qaytqandin kéyin söz erkinliki, axbarat élan qilish hoquqi cheklimige uchrimasliqini telep qilghan.

Toluq bet