B d t ösmürler heqqide yéngi qarar maqullidi

Roytrs agéntliqining b d t din bayan qilishiche, b d t bixeterlik kéngishi 7-ayning 12-küni, qoralliq toqunushtiki jaylarda ösmürler mesilisige alahide köngül bölüsh heqqide yéngi qarar maqullidi.
Muxbirimiz weli
2011.07.13
Share on WhatsApp
Share on WhatsApp

Bu qararda, mekteplerge we doxturxanilargha hujum qilish, ösmürlerni qoralliq toqunush ichide qaldurush, ösmürlerni eskerlikke élish qatarliq qanunsiz heriketlerni tügitish, bu qararni ijra qilmighan döletlerni pash qilish-tizimlikke élish we ulargha jaza qollinish belgilen'gen.

Xewerde éytilishiche, b d t bash katipi bankimun ösmürlerni qoralliq toqunush ichide qaldurghan kolumbiya azadliq armiyisi dégen qoralliq qisimning we shuninggha oxshash mesile sadir qilghan afriqa döletlirining, elqa'idichi teshkilatlarning namini ashkarilighan. Shundaqla, qoralliq toqunush ichide qalghan ösmürlerni jem'iyetke qaytip normal yashash we ma'arip terbiyisige ige qilish üchün yéterlik meblegh ajritish lazim dep körsetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.