Өзбекистан қирғизистанға газ тәминләшни тохтитип қойған

Қирғизистан хәлқи ишлитидиған тәбиий газниң мутләқ көп қисими өзбекистан арқилиқ тәминлиниду. Һәр йили қәрз сүйләш мунасивити билән газ билән тәминләшни тохтитиш арқилиқ қирғизистанға бесим көрситиш даим тәкрарлинип турмақта.
Мухбиримиз үмидвар
2009-10-04
Share

Хәвәрләрдин қариғанда, йеқинда өзбекистан һөкүмити қирғизистанниң җәнубидики ош вилайитини газ билән тәминләшни тохтитип қойған һәмдә қирғизистанниң шималидики җайларға йәткүзүлидиған газларни 30% қисқартқан. Буниңдики сәвәб қирғизистанниң өзбекистанға төләшкә тегишлик болған 19 милйон доллар газ қәрзини төлимигәнликидин ибарәт икән.

Өзбекистан қошна ош вилайитигә газ билән тәминләшни тохтитип қойғандин кейин, аһалиларниң турмушиға вә ашхана тиҗарәтчилириниң содилириға еғир қийинчилиқлар пәйда болған. Ташкәнт тәрәп, әгәр қәрзи төләнмисә, газ билән тәминләшниң әслигә кәлтүрүлмәйдиғанлиқини билдүргән.

Ош һөкүмити пуқраларниң төлимигән газ пулини йиғиш һәрикити башлиған болуп, тез арида өзбекистан тәрәпниң қәрзлирини төливетишкә тиришмақта икән.

Өзбекистан газ баһасини өстүргән болуп, өткән йили һәр миң кубметир газни 145 долларға сатқан болса, бу йил 240 долларға чиқарған. Бишкәк даирилири болса ташкәнттин бу баһани чүшүрүш үчүн һәрикәт қилмақта икән.

Нөвәттә, өзбекистанниң зор миқдарда тәбиий газлирини русийигә сетиватқанлиқи мәлум. Өзбекистан йәнә хитай биләнму келишим түзгән. Әгәр бу әһвал давамлашса, қирғизистанниң юқири баһада газ сетивелишқа мәҗбур болидиғанлиқи мәлум икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт