ئۆزبېك پرېزىدېنتىنىڭ قىزى بېيجىڭدا كىيىم لايىھىلىرىنى كۆرسەتتى
2012.11.04
ئۆزبېكىستان پرېزىدېنتىنىڭ قىزىنىڭ مەزكۇر كىيىم لايىھىلىرى ئىلگىرى ئامېرىكىنىڭ نيۇيورك شەھىرىدە ئۆتكۈزۈلۈش پلان قىلىنغاندا خەلقئارالىق كىشىلىك ھوقۇق تەشكىلاتلىرىنىڭ قاتتىق نارازىلىق تۈپەيلىدىن ئەمەلدىن قالدۇرۇۋېتىلگەن ئىدى.
پەرغانە ئۇچۇر تورىنىڭ نەقىل كەلتۈرۈشىچە، خىتاي گۈلنارەنىڭ كىيىم لايىھىلىرىنى نامايىش قىلىشىغا شارائىتى يارىتىپ بەرگەن بولسىمۇ، ئەمما خىتاي مەتبۇئاتلىرى گۈلنارەنىڭ ئۆزبېكىستان پرېزىدېنتىنىڭ قىزى ئىكەنلىكىنى گەۋدىلەندۈرمىگەن، پەقەت ئۇنى «ئۆزبېكىستان كىيىم لايىھىلىگۈچىسى گۈلنارە كەرىموۋا» دەپ ئاتىغان.
گۈلنارە كەرىموۋا ئىلگىرى ئامېرىكىدا ئافغانىستانلىق ئۆزبېك سودىگەر بىلەن تۇرمۇش قۇرۇپ ياشىغان ۋە قانۇنسىزلىق قىلغانلىقى ئۈچۈن كېيىن ئامېرىكا تەرىپىدىن تۇتۇش بۇيرۇقى چىقىرىلغان ئىدى. شۇڭا ئۇ ئامېرىكىغا كىرەلمەيدىكەن.
ئىسلام كەرىموفنىڭ چوڭ قىزى گۈلنارە كەرىموۋانىڭ ئۆزبېكىستاندا زور ئىمتىيازلارغا ئىگە ئىكەنلىكى ھەققىدە خەلق ئىچىدە ۋە چئەتەللەردىكى ئۆزبېك ئۆكتىچىلىرى ئارىسىدا تۈرلۈك نارازىلىقلار مەۋجۇت.