Америка тибәтләрни өзиниң пикрини өзини көйдүрүштин башқа йоллар арқилиқ ипадиләшкә чақирди

Америка ташқи ишлар министирлиқи җүмә күни йәнә тибәтләрниң өзини көйдүрүш һәрикитигә пикир билдүрүп, уларни өзниң пикрини өзини көйдүрүштин башқа йоллар арқилиқ ипадиләшкә чақирди. Шуниң билән биргә йәнә, хитайни чарә тәдбир қоллинип, тибәтләрниң азаб-оқубитини һәл қилишқа үндиди.
Мухбиримиз әркин
2013-02-15
Share

Америка ташқи ишлар министирлиқи баянатчиси векторийә нуланд мухбирларға мундақ деди: биз өзини көйдүрүш вәқәлириниң давамлиқ йүз беришидин чоңқур қайғуруватимиз. Биз өзини көйдүрүшни ойлишиватқан тибәтләрниң өз пикрини башқа яхширақ йоллар арқилиқ ипадилишигә чақиримиз. Шуниң билән биргә биз йәнә, даим тәкитләп кәлгәндәк хитай һөкүмитини бу хил наразилиқни кәлтүрүп чиқарған тибәт сияситини көздин кәчүрүшкә чақиримиз.

Бу америка дөләт ишлар министирлиқиниң йеқинқи бир һәптә ичидә 2‏-қетим тибәт мәсилисини тилға елишидур.

Векторийә нуланд мәзкур баянатни елан қилиштин икки күн аввал, непалда яшайдиған бир тибәт муһаҗир өзини көйдүргән. 21 яшлар чамисидики бу тибәтлик өлгән болуп, у 2009‏-йилдин буян өзини көйдүрүп хитайға наразилиқ билдүргән тибәтләрдин 101‏-киши.

Хитай һөкүмити тибәтләрниң өзини көйдүрүш һәрикәтлиригә бир тәрәптин пәрва қилмиғандәк көрүнүп, йәнә бир тәрәптин қаттиқ бастурсиму, лекин хәлқара җәмийәтниң далай лама билән сөһбәт өткүзүп, тибәт мәсилисини һәл қилиш һәққидики күчлүк бесимиға дуч кәлмәктә.

Векторийә нуланд өткән һәптә бир қетим хитай һөкүмитини далай лама билән сөзлишишкә чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт