Pakistan mumbay weqesining keynidiki achquchluq gumandarni qolgha aldi

Pakistan düshenbe küni hindistan bilen amérikining pakistandiki diniy militan guruhlarni basturush heqqidiki bésimidin kéyin, mumbay weqesining keynidiki achquchluq shexs, dep qaralghan leshkiriy ta'ibening rehberliridin zekiy ur raxman laxwini qolgha alghan.
Muxbirimiz erkin
2008-12-08
Share

Hindistan metbu'atlirining bu heqtiki xewiride zekiy ‏ur raxman laxwi we uning bilen birge 14 kishining keshmirdiki bir lagirida qolgha élin'ghanliqini bildürdi.

Zekiy ur raxman laxwi qolgha élinishtin burun yekshenbe küni amérika tashqi ishlar ministiri kandiliza rayis, pakistan "dölet shtati sirtidiki amillar" ning mombaydiki hujumni élip bérishta pakistanni baza qilip qollan'ghanliqini ispatlaydighan deliller barliqini ilgiri sürgen idi.

Axbarat sahesidiki emeldarlar qolgha élin'ghan 15 kishi leshkiriy ta'ibe bilen munasiwetlik jama'et ud dawaning keshmirdiki bir saxawet lagirida xizmet qilidighanliqini, " jama'et ud dawa qurghan xeyri ‏ - saxawet lagirining pakistan amanliq qisimliri teripidin axturulghanliqini bildürgen.

Jama'et ud dawa 1989 ‏ - yili leshkiriy ta'ibe teripidin qurulghan bolup, 2001 ‏ - yili hindistan parlaméntigha hujum qilish weqesi yüz bergendin kéyin, pakistan leshkiriy ta'ibeni qanunsiz teshkilat, dep élan qilghan idi. Leshkiriy ta'ibe 1980 ‏ - yillarda pakistan mexpiy axbarat idarisi teripidin hindistanning keshmirdiki hökümranliqigha qarshi küreshke sélish meqsitide qurulghan.

Hindistan hökümiti mombaydiki hujumgha qatnashqan kishining pakistandin kelgenlikini ilgiri sürüp, pakistan da'irilirige 20 kishilik bir tizimlik bergen, tizimliktikilerni hindistan'gha ötküzüp bérishni telep qilghan.

Kandiliza rayis, yekshenbe künki sözide pakistan téz heriket qilip, hindistan'gha yardem qilishi, bu türdiki weqelerning yene yüz bérishining aldini élishi kérek, dégen. Lékin rayis we pakistan tashqi ishlar ministirliqi pakistan'gha 48 sa'et muddet bérilgenlikini ret qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet