Сүрийидә йүз бәргән партлашта 16 киши өлди

Узун йиллардин бери америка һөкүмити тәрипидин террорчилиқни қоллайдиған дөләт дәп әйиблинип кәлгән сүрийиниң пайтәхти дәмәшқ шәһиридә партлатқуч дора қачиланған бир аптомобилниң партилиши нәтиҗисидә 17 киши өлгән вә 14 адәм яриланған.
Мухбиримиз өмәр қанат
2008.09.27

Сүрийә телевизийисиниң хәвәр қилишичә, шәнбә күни йүз бәргән партилаш пайтәхт дәмәшқ шәһирини айрудурумға туташтуридиған таш йол үстидә мәйданға кәлгән болуп, партилаш йүз бәргән йәрниң йеқинда бир шийә ибадәтгаһи вә бир сақчи понкити бар икән.

Партилашниң кимләрни вә немини нишан қилғанлиқи яки кимләр тәрипидин елип берилғанлиқи техи ениқ әмәс. Әмма сурийә ички ишлар министири бессам абдулмиҗит партилашни бир террорлуқ һәрикити дәп көрсәтти. Униң ейтишичә, өлгәнләрниң һәммиси бигунаһ пуқралар икән.

Русийә шундақла франсийә вә ливан қатарлиқ дөләтләр партилашни қаттиқ әйиблигән. Русийә президенти медведев сурийә президентиға бир тәзийә хети әвәтип, партилашни инсан қелипидин чиққан вәһши бир һәрикәт дәп тәсвирлигән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.