Süriyide yüz bergen partlashta 16 kishi öldi

Uzun yillardin béri amérika hökümiti teripidin térrorchiliqni qollaydighan dölet dep eyiblinip kelgen süriyining paytexti demeshq shehiride partlatquch dora qachilan'ghan bir aptomobilning partilishi netijiside 17 kishi ölgen we 14 adem yarilan'ghan.
Muxbirimiz ömer qanat
2008-09-27
Share

Süriye téléwiziyisining xewer qilishiche, shenbe küni yüz bergen partilash paytext demeshq shehirini ayrudurumgha tutashturidighan tash yol üstide meydan'gha kelgen bolup, partilash yüz bergen yerning yéqinda bir shiye ibadetgahi we bir saqchi ponkiti bar iken.

Partilashning kimlerni we némini nishan qilghanliqi yaki kimler teripidin élip bérilghanliqi téxi éniq emes. Emma suriye ichki ishlar ministiri béssam abdulmijit partilashni bir térrorluq herikiti dep körsetti. Uning éytishiche, ölgenlerning hemmisi bigunah puqralar iken.

Rusiye shundaqla fransiye we liwan qatarliq döletler partilashni qattiq eyibligen. Rusiye prézidénti médwédéw suriye prézidéntigha bir teziye xéti ewetip, partilashni insan qélipidin chiqqan wehshi bir heriket dep teswirligen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet