Пакистан сват вадисида талибанларға давамлиқ зәрбә бәрмәктә

Йәкшәнбә күни пакистан қораллиқ күчлири свас вадисидики талибан күчлиригә қаратқан һәрбий һәрикитини күчәйткән болуп, талибанлар игилигән бир қанчә нуқтиларға йүрүш қилған. Йәкшәнбә күни бир қанчә нәпәр талибан қораллиқ адими пакистан армийиси тәрипдин өлтүрүлгән. Пакистан һава армийисиниң һуҗумида аз дегәндә 13 адәм өлгән.
Мухбиримиз үмидвар
2009-05-24
Share

Пакистан һөкүмити хәлқара җәмийәтниң тәшәббуслирини қобул қилип, талибанларниң свас районидики базилириға һуҗум башлиғандин бери тәхминән 1000 дин артуқ талибан җәңчисини өлтүргәнликини билдүргән. Бирақ бу тоқунушлар нәтиҗисидә икки милйон әтрапида адәм вәйранчилиққа учрап, өз җайлирини ташлашқа вә мусапирлар лагирлирида турушқа мәҗбур болғанлиқи хәвәр қилинмақта.

Пакистан тәрәп чәтәл мухбирлириниң бу районни зиярәт қилишиға йол қойған болуп, америка авазиниң хәвәр қилишичә, бу җайдики пакистан һәрбий қоманданлири свастика талибанларни үзүл - кесил йоқатмиғичә урушни тохтатмайдиғанлиқини шуниңдәк, уруш тохтитиш тәләплириниму қобул қилмайдиғанлиқини тәкитлигән.

Свас вадиси талибанлар тәрипидин контрол қилинған болуп, бу қетим пакистан һөкүмити зор бәдәл вә аһалиларниң ханивәйран болушиға қаримай, талибанларни толуқ мәғлуп қилиш үчүн һәрикәт қилмақта.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт