Пакистанниң хитайни келиштүргүчи қилиш тәклипини һиндистан рәт қилди

Америка авазиниң баян қилишичә, һиндистан билән пакистанниң дипломатийә министирлири икки дөләт чегрисида ешиватқан һәрбий җиддийликни пәсәйтиш үчүн, 25‏ - феврал күни йеңи деһлида сөһбәт өткүзүшкә тәйярлиқ көрүватиду.
Мухбиримиз вәли
2010-02-24
Share

Гәрчә хитай дипломатийә министирлиқиниң баянатчиси түнүгүнки баянатида, хитай бу сөһбәткә арилашмайдиғанлиқини җакарлап болған болсиму, әмма бейҗиңда зиярәттә болуватқан пакистан дипломатийә министири қайтидин тәклип қоюп, хитайниң бу икки дөләт оттурисида келиштүргүчи болуп беришини тәләп қилған.

Пакистанниң бу тәклипини, бүгүн һиндистан дипломатийә министири кәскин рәт қилип, һиндистан өзиниң ишини өз алдиға қиливеридиған дөләт дегән.

Ройтрс агентлиқиниң баян қилишичә, 25 тин 50 кә қәдәр ядро оқ учи, 620 миң әскири, 2460 танкиси, 415 хитайда ишләнгән урушчи айропилани, 300 километирдин 1500 километирғичә мусапигә аталайдиған 'ғаври' бәлгилик башқурулидиған бомбилири бар пакистан бу йилқи һәрбий хамчотини 15% өстүрүп, йеқинқи бир мәзгил ичидила 150 миң әскирини һиндистан чегрисиға топлап, 70 тин 100 гә қәдәр ядро оқ учи, 1 милйон 300 миң әскири, 4 миң танкиси, 300 километирдин 3 миң 100 километирғичә мусапигә аталайдиған 'агни' бәлгилик башқурулидиған бомбилири, 16 суасти парахоти вә урушчи айропиланлири тохтайдиған 700 данә парахоти бар һиндистанға қарши һәрикәт башлиған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт