Pakistan prézidénti xitayni ziyaret qilmaqchi

Yéngidin wezipige teyinlen'gen pakistan prézidénti esif eli zerdari seyshenbe küni, özining tunji xitay ziyaritini bashlimaqchi bolup, uning bu nöwetlik ziyariti pakistan ‏ - amérika munasiwetliride jiddiychilik yüz bériwatqan peytlerde toghra keldi.
Muxbirimiz jüme
2008-10-13
Share

Roytérsta körsitilishiche, siyasiy tehlilchi hesen esqer rizwi pakistanning yenila amérika bilen ittipaqdash ikenlikini körsitip kéliwatqan bolsimu, emma pakistan prézidéntining bu nöwetlik xitay ziyariti, pakistanning gherb bilen bolghan munasiwetliri sinaqqa duch kelgende islam'abadning sherqqe qarap yüzlinidighanliqini namayan qilidiken.

Xewerde körsitilishiche, pakistanning xitaydiki elchisi mexsud xan prézidént zerdarining bu nöwetlik xitay ziyariti, pakistan bilen xitay arisidiki istratégiyilik, iqtisadi we medeniyet almashturush munasiwetlirini téximu ilgiri sürüshni meqset qilghan iken.

Pakistan amérikining térrorluqqa qarshi urushliridiki muhim istratégiyilik ittipaqdishi bolup, emma, yéqinda amérika qoshunlirining afghanistan chégrisidin ötüp pakistan tewelikidiki düshmen bazilirigha hujum qilishi hemde amérikining hindistan'gha yadro téxnologiyisini sétip bérishi amérika ‏ - pakistan munasiwetlirige jiddiychilik élip kelgen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet