Pakistan sh. Türkistan jengchilirige qarshi xitay bilen hemkarlishidighanliqini élan qildi

Pakistan ichki ishlar ministiri raxman malik jüme küni béyjingda bayanat élan qilip, béyjing bilen islam'abadning pakistan - afghanistan we ottura asiya chégrisidiki taghliqlarda toplan'ghan sh. Türkistan jengchilirige qarshi hemkarlishidighanliqini bildürgen. Raxman malikning roytérs agéntliqigha ashkarilishiche, u yuqiri derijilik xitay hökümet emeldarliri bilen bu mesile üstide muzakire élip barghan.
Muxbirimiz erkin
2009-06-12
Share

Malik, sh. Türkistan jengchilirining pakistan - afghanistan chégrisidiki taghlarda talibanlar we bashqa guruhlar bilen "guruppa uyushturghanliqi" ni eskertip, pakistanning qolgha chüshken Uyghurlarni bolsa yene xitaygha ötküzüp bérishke teyyar ikenlikini tekitligen. U mundaq deydu": biz tedbir qolliniwatimiz. Qolgha chüshkenlerning kim bolushidin qet'iy nezer ... Ular ikkilenmey xitay ötküzüp bérilishi lazim." U yene xitayning pakistan saqchi qisimlirini axbarat we esliheler bilen teminleydighanliqini bildürgen.

Pakistan hökümiti yéqinda pakistanda panahliniwatqan Uyghurlardin 9 kishini tutqun qilip, ularni xitaygha ötküzüp bergen idi. Pakistan bu herikiti bilen xelq'ara kishilik hoquq teshkilatlirining tenqidige uchrap, musapirlarni qoghdash toghrisidiki xelq'ara ehdinamilarni ayagh - asti qilish bilen eyiblen'gen.

Raxman malik yene, "méningche, ular herikitini yene melum waqit dawamlashturushi mumkin. Chünki ularning köp qisimi swat wadisidin ayrilghan, ularning qayta uyushush éhtimalliqi bar. Lékin biz pütün wastilarni qollinip, ularning qayta teshkillinishige yol qoymaymiz" dégen.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet