Pakistandiki kelkün apitide 4 yérim milyon kishi apetning tesirige uchridi

Pakistanning gherbiy shimalida yüz bergen éghir kelkün apiti deryalarning téshishi bilen pakistanning jenubiy rayonlirighimu tesir körsitishke bashlidi. Hazirghiche 4 yérim milyon kishi apet rayonliridin köchürüldi.
Muxbirimiz irade
2010.08.06
Share on WhatsApp
Share on WhatsApp

B b s'ning xewer qilishiche, bu kéyinki 100 yildin béri pakistanda körülgen eng zor bir qétimliq kelkün apiti bolup, 1500 kishi hayatidin ayrilghan, binalar, köwrükler örülüp chüshken. Yol we étizlar su astida qalghan.

Melum bolushiche, derya sulirining örlishi seweblik kelkün pakistanning jenubidiki penjab we sind qatarliq rayonlirighimu tehdit qilishqa bashlighan. Penjabtiki indus deryasi toxtimay yamghur yaghqanliqtin örlep, étizlar su astida qalghan, minglarche kishi öyidin ayrilishqa mejbur bolghan. Sindtiki 350 ming kishi bashqa jaylargha yötkelgen.

Igilinishiche, pakistanning gherbiy shimalidiki kelkün éghir kelgen rayonlarning qatnash, uchur alaqe wastiliri pütünley üzülüp qalghan bolup, pakistan'gha yardemge kelgen qutquzush ömekliri hawadin qutquzush xizmetlirini élip barmaqta iken.

Pakistanda qutquzushqa qatnishiwatqan amérika tik uchar ayrupilanliri hazirghiche pakistan'gha 30 tonna qutquzush buyumi toshughan we 800 din artuq kishini bixeter jaylargha yötkigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.