Xitay da'iriliri Uyghur bölgünchilirining pakistanda telim-terbiye éliwatqanliqini ilgiri sürdi

Xitay da'iriliri Uyghur rayonida bölgünchilik bilen shughullan'ghuchilarning ilgiri pakistandiki térrorluq bazilirida terbiyilen'genlikini ilgiri sürgen.
Muxbirimiz irade
2011-01-24
Share
Amérika awazi radi'osining xewer qilishiche, xitay da'iriliri bu sözni hindistandiki muhim öktichi partiyilerning biri bolghan xelq partiyisining rehbirini kütüwalghanda qilghan. Hindistandiki xelq partiyisining bashliqi jadikal 20-yanwardin bashlighan 5 künlük xitay ziyariti jeryanida pakistanning hindistan'gha térrorluq tehditi yürgüzüwatqanliqini, pakistanning yaxshi dosti bolghan xitayning buni toxtitish üchün küch chiqirishi kéreklikini éytqan.

Xitay terep buninggha qayturghan jawabida pakistan ichki qismida heqiqeten térrorluq bazilirining mewjutluqini ilgiri sürüp," bir qisim Uyghur bölgünchiler pakistandiki bu bazilarda terbiyilen'gen" dégen.

Xitay da'iriliri Uyghurlarning kishilik hoquq pa'aliyetlirige térror qalpiqi kiydürüp, uning elqa'ide qatarliq térrorluq teshkilatliri bilen munasiwetlik ikenlikini ilgiri sürüp kelmekte. Uning üstige xitayning pakistan bilen bolghan munasiwitide térrorluqqa qarshi ortaq küresh qilish heqqide kélishimlerni imzalap, u yerdiki Uyghurlarning herikitini qattiq teqibge éliwatqanliqi melum.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet