Пакистанда хитай инженер һәм ишчилирини өлтүрүш вәқәси йүз бәрди

Һиндистан тез хәвәрлири гезитиниң 22 - ноябир күни хәвәр қилишичә, 22 - ноябир күни пакистанниң ғәрбий җәнуби қисмидики белочистан районида шу җайда қурулуш елип бериватқан хитай ишчилириға ракета билән һуҗум қилиш вәқәси йүз бәргән. Вәқәдә 2 хитай инженери һәм 3 хитай ишчиси партлап өлгән, 11 киши яриланған.
Өз мухбиримиз меһрибан
2011.11.22
Share on WhatsApp
Share on WhatsApp

Хәвәрдә дейилишичә, пакистан даирилири бу һуҗумниң пакистандики хитайға қарши талибанлар тәрипидин елип берилғанлиқини илгири сүргән. Бүгүн чүштин кейиндин башлап бу хәвәр хәлқарадики көплигән хәвәр агентлиқлири тәрипидин көчүрүп тарқитилди.

Германийидики уйғур авази тор бекитиму бу хәвәрни көчүрүп тарқатти. Уйғур авази тор бекитиниң хәвиридә бүгүн пакистанда йүз бәргән хитай ишчилириға һуҗум қилиш вәқәсини, хитай һөкүмити тәрипидин “ пакистанда хитайға қарши һәрикәт қиливатиду” дәп әйиблинип келиватқан “ шәрқий түркистан ислам тәшкилати” ниң талибанлар арисидики адәмлири садир қилған болуши мумкинлики һәққидики пәрәзләрниң оттуриға қоюлуватқанлиқи илгири сүрүлди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.