Пакистанлиқ уйғулар пакистанниң дөләт байримини тәбрикләшкә қетилмиди

Пакистан һөкүмити йиллардин бери, пакистанлиқ уйғурларниң сиясий паалийәтлиригә чәклимә қоюп кәлмәктә. Шуңа бу дөләттики уйғурлар, 5 ‏- июл үрүмчи вәқәсидәк бир чоң вәқәдә өз қериндашлириға һесдашлиқ билдүрүш вә хитайға наразилиқ билдүрүштәк әң әқәллй һәқлиридинму мәһрум қалған иди.
Мухбиримиз шоһрәт һошур
2009.08.14
Share on WhatsApp
Share on WhatsApp

Бүгүн, йәни 14 - авғуст пакистан мустәқиллиқ байримида, бу дөләттики бир қисим уйғурлар һечқандақ бир тәбрикләш паалийитигә қетилмиған; буниң орниға үрүмчи шеһитлирини хатириләп, қуран тилавәт өткүзгән.

Пакистандики өмәр уйғур вәхпиниң билдүрүшичә, бүгүнки қуран - тилавәткә уйғурлар вә йәрлик пакистанлиқлар болуп, 100 дин артуқ киши қатнашқан. Пакистан һөкүмити һазирға қәдәр 20 дин артуқ уйғурни хитайға қайтуруп бәргән; үрүмчини зиярәт қилған 26 дөләт дипломатлар зиярәт өмигидики пакистан вәкили хитайниң 5 ‏ - июл намайишини қаттиқ қол бастурушини қоллап пикир баян қилған.

Пакистандики бирқисим уйғурларниң, пакистан дөләт байримини тә брикләшкә қетилмаслиқи, пакистан вәкилиниң үрүмчидики сөзлиригә наразилиқ сәвәбидин болуши мумкин.

Нөвәттә, пакистанда яшаватқан уйғурлар, пакистан һөкүмитидин нарази икәнликини билдүрүш билән биллә, пакистан хәлқидин разилиқини, болупму сиясий панаһланғучиларни чәт - яқидики пакистан хәлқиниң қанат астиға еливатқанлиқиға миннәтдарлиқини билдүрмәктә.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт