Уйғурларниң диний паалийәтлири чәкләнгән техиму көп пакитлар ашкариланмақта

Даириләрниң уйғурларниң роза тутушини чәкләватқанлиқиға даир техиму көп пакитлар ашкариланмақта.
Мухбиримиз меһрибан
2012-07-31
Елхәт
Пикир
Share
Принт

Ақсу учтурпан наһийисиниң һөкүмәт тор бекитидә учтурпан наһийисидики мәдәнийәт идариси, тәнтәрбийә идариси һәмдә наһийилик радио-телевизийә идарисидики партийә әзалири вә кадирларниң 10 маддилиқ «қанунсиз диний паалийәтләргә қатнашмаслиқ әһдинамиси» гә қол қойғанлиқи һәққидики хәвәр бесилди. Қәшқәр торбетидиму, қәшқәр әнҗан кочиси аһалиләр комитетиниң 20-июл (рамзанниң 1-күни) «рамзан мәзгилидики партийә әзалири һәм дәм елишқа чиққан кадирлар чай сөһбити» уюштурғанлиқи хәвәр қилинди.

Дуня уйғур қурултийи баянатчиси дилшат ришит тәминлигән учурлардин мәлум болушичә, җәнубий уйғур елидики бир қисим җайларда даириләр рамзан мәзгилидә мәхсус дәм елишқа чиққан кадирларни йоқлаш паалийити намида, уларниң өйлиригә мевә -чевә қатарлиқ йемәкликләрни елип берип, улар билән бу нәрсиләрни һәмдастихан олтуруп йейиш арқилиқ уларниң роза-тутқан тутмиғанлиқини тәкшүргән.

Хитай һөкүмитиниң уйғур, тибәт қатарлиқ милләтләрниң диний етиқадини чәкләватқанлиқи мәсилиси ғәрб демократик дөләтлири диққәт қилип келиватқан мәсилиләрниң биригә айланған болуп, америка һөкүмити 30-июл күни елан қилған 2012-йиллиқ диний әркинлик доклатида хитайдики диний етиқад чәклимилирини қаттиқ тәнқидлигән иди.

Пикирләр (0)
Share
Толуқ бәт