Pakistan 9 neper Uyghurni xitaygha ötküzüp berdi

Pakistan da'iriliri weziristan rayonidin tutulghan 9 neper Uyghurni xitaygha ötküzüp bergen bolup, pakistandin chiqidighan kündilik xewerler torida körsitishiche, pakistan ichki ishlar ministirliqi mezkur "Uyghur jengchiler" ning bixeterlik qisimlirigha hujum qozghash qatarliq bir qisim heriketlerge qatnashqanliqini otturigha qoyghan.
Muxbirimiz jüme
2009-04-27
Share

Xewerde otturigha qoyulushiche, pakistan ichki ishlar ministiri rehman malik, pakistan prézidénti esif éli zerdarining buyruqi bilen xitaygha mezkur Uyghurlarni ötküzüp bérish mesilisi üstide xitayning bixeterlik xadimliri bilen " muhim söhbet" ötküzüsh üchün xitaygha baridiken.

Yéqinda xitay da'iriliri amérika bilen afghanistan we pakistanda bixeterlik we muqimliqni ilgiri sürüsh heqqide pikir birliki hasil qilghan bolup, mezkur söhbet élip bérilip uzun ötmey pakistan da'iriliri yuqiriqi Uyghurlarni xitaygha ötküzüp bergenlikini jakarlidi.

Halbuki xewerde, mezkur Uyghurlarning qachan we qandaq wasitiler bilen qolgha chüshkenliki heqqide tepsiliy melumatlar bérilmigen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet