Америкиниң парламинт башлиқи нәнси плоси ханим хитайни зиярәт қилмақчи

Америкиниң парламинт башлиқи нәнси плоси ханим һазир хитайни зиярәт қилиш алдида турмақта. Франсийә агентлиқиниң баян қилишичә, нәнси плоси ханимниң бу қетимқи хитай зиярити, барәк обама президент болғандин кейин америкиниң хитайни зиярәт қилған әң юқурий дәриҗилик әмәлдари болуп һесаблиниду.
Мухбиримиз вәли
2009-05-23
Share

Нәнси плоси ханим, бу қетим хитайни зиярәт қилғанда, буниңдин бурун хитайға қарита қаттиқ қоллуқ сиясәт қоллинидиған тәрәпниң хитай җавапсиз қалдуруп келиватқан суаллирини қайтидин сориши турған гәп.

Нәнси ханим буниңдин бурун хитайни тибәт мәсилисидә қаттиқ тәнқитләп, америка дөләт мәҗлисиниң хитайни әйиплишигә йетәкчилик қиливатқан, һәтта тибәт мәсилисигә хәлқараниң арилишиши лазимлиқини тәшәббус қилип хитайниң ғәзипини кәлтүргән әрбаб иди.

Америка дөләт мәҗлисиниң әзаси, америка-хитай мунасивәтлири гурупписиниң муавин башлиқи рик ларсенниң ейтишичә, хитайда демократийә түзүминиң тиклинишини, хитайдики демократик һәрикләтләрни қоллап келиватқан, хитай һөкүмитигә хәлққә яхши муамилә қилиш тоғрисида бесим ишлитип келиватқан нәнси ханимниң, тйәнәнмен вәқәсиниң 20 йиллиқи һарписида хитайни зиярәт қилиши техиму әһмийәтлик.
 
Шинхуа агентлиниқниң баян қилишичә, америкиниң парламинт башлиқи нәнси плоси ханим йәкшәнбә күни хитайға келип, 5 ‏- айниң 31 ‏- күнигичә туридикән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт