Xitayning pilanliq tughut siyasitini tenqidke uchrimaqta

Shenshi ölkisidiki féng jiyenmiy isimlik ayalning qorsiqidiki 7 ayliq hamilining yerlik pilanliq tughut xadimliri teripidin mejburiy halda chüshürüwétilgenliki dunyagha ashkarilinip, zor inkas qozghidi.
Muxbirimiz irade
2012.06.14

BBC Ning xewer qilishiche, bu yil 23 yashqa kirgen féng jiyenmiy ikkinchi balisigha hamilidar bolghanda yerlik pilanliq tughut da'iriliri uninggha “Bir perzentlik bolush siyasiti”ge xilapliq qilghanliqi üchün jerimane qoyghan. U jerimanini töliyelmigenliki üchün qorsiqidiki 7 ayliq hamilini mejburi chüshürüwetken.

“Xelq'ara iqtisad waqit” gézitining éytishiche, féng jyenmiyning yoldishi muxbirlargha ayalining bir nechche pilanliq tughut xadimliri teripidin mashina bilen mejburiy élip kétilgenliki, eyni waqitta uning salametlikining nacharliqini éytqan.

Amérikidiki kishilik hoquq pa'aliyetchisi seyling bügün muxbirlargha bayanat bérip: féng jyenmiy paji'esi pilanliq tughut siyasitining ayallargha qandaq külpetlerni élip kéliwatqanliqini ispatlap béridu, dédi.

Jüme küni shenshi ölkilik hökümet da'iriliri bu heqte bayanat bérip féng jyenmiy weqesining rastliqini étirap qilghan we weqede jawabkarliqi bar tereplerni sürüshte qilidighanliqi hemde buningdin intayin epsuslan'ghanliqini bildürgen.

Pilanliq tughut siyasiti Uyghur élidimu eng qattiq yürgüzülüwatqan siyasetlerning biri bolup, mezkur siyaset xelq'ara kishilik hoquq organlirining tenqid obyékti bolup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.