Исраилийә вә хамас уруш тохтитидиғанлиқини елан қилди

Шәнбә күни исраилийә баш министир ормут исраилийә тәрәпниң һуҗумлирини тохтатқанлиқини елан қилғандин кейин, бүгүн йәкшәнбә күни хамас тәшкилатиму өзлириниң һәмдә барлиқ пәләстин қораллиқ күчлириниң ғәззә районида уруш тохтитидиғанлиқини җакарлиди.
Мухбиримиз үмидвар
2009.01.18

Б б с агентлиқиниң хәвәр қилишичә, хамасниң баянатчиси уларниң уруш тохтитишниң бир һәптә болидиғанлиқи, бу бир һәптә ичидә исраилийиниң ғәззәдин қошунлирини чекиндүрүп елип чиқип кетиши лазимлиқини әскәрткән.

Пәләстин рәһбири мәһмуд аббас исраилийиниң уруш тохтатқанлиқини елан қилишиниң йетәрлик әмәслики, исраилийиниң ғәззәдики барлиқ қошунлирини елип чиқип кетиши лазимлиқини тәкитлигән. Әмма, исраилийә баш министири ормут уруш тохтитидиғанлиқини елан қилиш билән биргә исраилийиниң йәнила һәр бир минуттики вәзийәтниң өзгиришини көзитидиғанлиқини әскәрткән иди.

Пәләстин тәрәп йәнә ғәззәдики өрүлгән өйләрниң харабилири астидин 95 җәсәт тапқанлиқини, үч һәптилик уруш җәрянида 1300 пәләстинлик өлгәнликини билдүргән.

Йәкшәнбә күни йәнә мисирда ечилған дуня рәһбәрлириниң исраилийә - пәләстин тоқунушини тохтитиш мәсилисигә аит йиғинида һәр қайси дөләт башлиқлири бирдәк һалда исраилийә билән хамасниң узун муддәт уруш тохтитишини тәләп қилған.

Б д т баш катипи банкимонму йиғинға қатнашқан болуп, мисир президенти мубарәк вә франсийә президенти саркозий риясәтчилик қилған. Түркийә президенти абдулла гүл исраилийиниң уруш тохтатқанлиқини қарши елиш билән биргә исраилийиниң ғәззәдин қошунлирини елип чиқип кетишкә чақирған.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.