Isra'iliye we xamas urush toxtitidighanliqini élan qildi

Shenbe küni isra'iliye bash ministir ormut isra'iliye terepning hujumlirini toxtatqanliqini élan qilghandin kéyin, bügün yekshenbe küni xamas teshkilatimu özlirining hemde barliq pelestin qoralliq küchlirining ghezze rayonida urush toxtitidighanliqini jakarlidi.
Muxbirimiz ümidwar
2009-01-18
Share

B b s agéntliqining xewer qilishiche, xamasning bayanatchisi ularning urush toxtitishning bir hepte bolidighanliqi, bu bir hepte ichide isra'iliyining ghezzedin qoshunlirini chékindürüp élip chiqip kétishi lazimliqini eskertken.

Pelestin rehbiri mehmud abbas isra'iliyining urush toxtatqanliqini élan qilishining yéterlik emesliki, isra'iliyining ghezzediki barliq qoshunlirini élip chiqip kétishi lazimliqini tekitligen. Emma, isra'iliye bash ministiri ormut urush toxtitidighanliqini élan qilish bilen birge isra'iliyining yenila her bir minuttiki weziyetning özgirishini közitidighanliqini eskertken idi.

Pelestin terep yene ghezzediki örülgen öylerning xarabiliri astidin 95 jeset tapqanliqini, üch heptilik urush jeryanida 1300 pelestinlik ölgenlikini bildürgen.

Yekshenbe küni yene misirda échilghan dunya rehberlirining isra'iliye - pelestin toqunushini toxtitish mesilisige a'it yighinida her qaysi dölet bashliqliri birdek halda isra'iliye bilen xamasning uzun muddet urush toxtitishini telep qilghan.

B d t bash katipi bankimonmu yighin'gha qatnashqan bolup, misir prézidénti mubarek we fransiye prézidénti sarkoziy riyasetchilik qilghan. Türkiye prézidénti abdulla gül isra'iliyining urush toxtatqanliqini qarshi élish bilen birge isra'iliyining ghezzedin qoshunlirini élip chiqip kétishke chaqirghan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet