Béyjingdiki paytext polat-tömür zawutining 22 ming ishchisi ishsiz qaldi
2011.01.16
En'gliye b b s agéntliqining xewer qilishiche, mezkur polat-tömür zawuti hazir béyjing shehiri ichige kirip qalghan bolup, uning tyen'enmén meydani bilen bolghan ariliqi 17 kilométir kélidu.
Sheherning kéngiyishi bilen bu jay eslide sheher sirti bolghan bolsa, hazir sheher ichige tewe bolghan. Netijide uningdin chiqqan bulghinish béyjingning sheher merkizining ékologiyilik muhitigha éghir ziyan salghan. 2005-Yili, béyjing hökümiti zawutni köchürüsh heqqide qarar qilip, xébéyning tangshen rayonida yéngidin zawut qurghan idi.
Béyjing sheherlik ishchilar uyushmisi mezkur ishtin boshutulghan ishchilarning hoquqini qoghdap, ulargha ünümlük yardem körsitidighanliqini bildürgen, lékin adem sanining köplüki we bashqa ehwallar tüpeylidin ularni muwapiq orunlashturushning qiyin'gha chüshüp, ijtima'iy mesile tughdurushining mumkinliki perez qilinmaqta.