Xitay poskam nahiyiside 'heriketchan sot' tüzümini yolgha qoyghan

Xitay da'iriliri Uyghur aptonom rayonining poskam nahiyiside "heriketchan sot " qurghan bolup, da'iriler mezkur tüzümning nahiye xelqighe qolayliq yaritip bérishni meqset qilghanliqini ilgiri sürgen.
Muxbirimiz erkin
2009-04-08
Share

"Ping'en" torining xewer qilishiche, "heriketchan sot" tüzümi xitay da'iriliri poskam nahiyiside yolgha qoyghan "beshni ching tutup", nahiyidiki siyasi qanun qoshunining qurulushini kücheytish pilanining bir qisimi iken. Xitay da'irilirining poskamda "heriketchan sot" qurghan mezgili xelq'ara kishilik hoquq teshkilatlirining xitay da'irilirini Uyghurlargha qarita basturush élip bérish bilen tenqitlewatqan mezgilige toghra kelgen.

Merkizi gérmaniyidiki dunya Uyghur qurultiyi, sherqiy türkistandiki muqimsizliqni xitayning rayonda yolgha qoyuwatqan siyasiti keltürüp chiqarghanliqini ilgiri sürgen. Xelq'ara kishilik hoquqni közitish teshkilati bolsa Uyghur medeniyitining urush meydani bolup qalghanliqini tekitlimekte.

Kishilik hoquqni közitish teshkilatining xitay ishlar mutexessisi nikolas békolin, aldinqi küni italiye metbu'atigha bergen bayanatida xitay da'irilirining Uyghur medeniyet kimlikini özlirige tehdit , dep qarawatqanliqini eskertip, Uyghur medeniyiti xitayning dölet bixeterlik sépidiki urush meydani bolup qaldi" ... "Xitay hökümiti pütün bir medeniyet mirasini weyran qilishqa urunmaqta," dégen.

"Ping'en" torining bu heqtiki xewiride poskam nahiyisidiki "heriketchan sot" ning "mesilini puqralarning bosughisida béjirish, aylinip yürüp délo bir terep qilish" ni emeliyleshtürgenliki, " nahiyining muqimliqidin ibaret omumi weziyetke xizmet qilghan "liqini ilgiri sürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet