Хитайниң бәзи зиялийлири “пойиз вәқәси” дики һөкүмәт даирилириниң мәсулийитини сүрүштүрүшни тәләп қилған

Бәзи хитай зиялийлири хитай хәлқ қурултийиниң асасий қанунда берилгән һоқуққа асасән мустәқил тәкшүрүш өмики қуруп, һөкүмәт әмәлдарлириниң “23‏-июл тез сүрәтлик пойиз вәқәси” дики мәсулийитини сүрүштә қилишни тәләп қилған.
Мухбиримиз әркин
2011-07-29
Share

Пуқралар һөкүмәтниң 23‏-июл венҗуда йүз бәргән тез сүрәтлик икки пойизниң өз-ара соқулуп кетип, нурғун адәмниң өлүш вәқәсигә бәргән чүшәнчиси вә бир тәрәп қилиш усулиға қайил болмиған иди.

Америка ахбарат васитилириниң хәвәр қилишичә, бейҗиң университетиниң атақлиқ қанун профессори ху вейфаң торда мақалә елан қилип, хитай хәлқ қурултийини асасий қанунниң 71-маддисида берилгән һоқуққа асасән алаһидә тәкшүрүш комитети қуруш, вәқәниң сәвәби, һөкүмәт органлириниң җавабкарлиқи, хитай төмүр йол тәрәққиятиниң сүрити вә тәрәққият шәклини сүрүштүрүшкә чақирған.

Лекин анализчилар, вен җябавниң пәйшәнбә күни вәқә йүз бәргән нәқ мәйданни көздин кәчүрүп, хитай дөләт кабинетиниң вәқәни тәкшүрүш өмики қурғанлиқини елан қилиши, хитай зиялийлириниң хәлқ қурултийиниң мустәқил тәкшүрүш өмики қуруш тоғрисидики чақириқиға қайтурулған инкас дәп көрсәтмәктә.

Лекин йәнә бәзи қануншунаслар хәлқ қурултийиниң тәкшүрүш өмики қурулған тәқдирдиму, обйектип вә битәрәп тәкшүрүш елип бериши қийинлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт