Москвада путингә қарши намайиш өткүзүлди

Шәнбә күни русийиниң москва, санкитпетербург қатарлиқ 100 ға йеқин шәһиридә кәң көләмлик путингә қарши вә сайламни қайта өткүзүшни мәқсәт қилған намайиш вә йиғилишлар өткүзүлди.
Мухбиримиз үмидвар
2011-12-11
Share

Русийиниң “нәвсру” учур ториниң йезишичә, москвадики намайишқа 25 миңдин 40 миңғичә адәм қатнашқанлиқи ейтилсиму, бирақ намайиш тәшкиллигүчилири адәм саниниң буниңдин бир қанчә һәссә көп икәнликини ейтқан.

Намайишниң асаслиқ шуари путинниң келәр йили қайтидин президент болуп, кремил сарийиға қайтип келишигә қарши туруш, сиясий тәқипләшләрни тохтитиш вә сиясий тутқунларни қоюп бериш һәмдә бу қетимқи парламент сайлимини бикар қилип, қайтидин сайлам өткүзүш қатарлиқ мәзмунларни өз ичигә алған.

Йәкшәнбә күни русийә президенти медведев өзиниң фаисибоок төридики адреси арқилиқ инкас тарқитип, өзиниң шәнбә күнидики намайишта оттуриға қоюлған тәләпләргә вә пикирләргә қошулмайдиғанлиқини билдүргән.

Йәкшәнбә күни йәнә бир қанчә йүз киши кремил сарийи йенида намайиш өткүзүп, парламент сайлиминиң нәтиҗисигә болған наразилиқлирини билдүргән. Мәлум болушичә, өктичиләр 24 - декабир күни йәнә кәң көләмдә намайиш тәшкилләйдиғанлиқини җакарлиған.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт