Qaghiliqta yüz bergen qanliq toqunush xelq'araning diqqitini qozghawatqan yene bir sezgür weqe bolup qaldi

Tünügün qaghiliq nahiyiside qanliq weqe yüz bergen idi. Xuddi b b s bayan qilghandek, gerche xitay ikki chong yighini béyjingda échilish aldida turuwatqanda, bu weqeni yoshurushqa yaki kichiklitip körsitishke tirishqan bolsimu, emma weqe hazir, dunyadiki uchur wasitilirining köpinchisi jiddiy éniqlawatqan sezgür mesilige aylandi.
Muxbirimiz weli
2012.02.29

Birleshme agéntliqining bügün béyjingdin bayan qilishiche, xitay öz térritoriyisi dep atap kéliwatqan musulman Uyghurlar rayonida tünügün yüz bergen qanliq weqeni, Uyghurlarning dölet puqralirigha qilghan hujumi dep jakarlidi. Emma muhajirettiki Uyghur guruppilar bu weqeni, xitayning qoralliq xadimlirigha qaritilghan hujum dep jakarlidi.

Buninggha xitay hökümitining Uyghur yurtlirigha xitay köchmenlirini ekélip, yerlik Uyghurlarning milliy kimlikini yoq qilidighan siyasiy heriket élip bériwatqanliqini delil qilip körsetti.

Dunya Uyghur qurultiyining bayanatchisi dilshat rishitning bayan qilishiche, tünügün qaghiliqta yüz bergen qanliq toqunushta, xitay hökümiti 9 Uyghurni étip öltürdi, oq tegken bir Uyghur doxturxanida öldi, buningdin bashqa yene11 Uyghurni oq bilen yarilandurdi. Bu qanliq toqunushta xitayning qoralliq xadimliridin az dégende 7 adem öldi. Xitay hökümiti hazir bu nahiyide Uyghurlarni tutqun qilidighan keng kölemlik herbiy heriket élip bériwatidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.