Muhit guruppiliri qanas kölidin ötidighan gaz turubisidin endishe qilmaqta

Xitaydiki muhit qoghdash guruppiliri xitay hökümitige muraji'etname qilip, Uyghur élining qanash köli rayonidin ötidighan xitay-rusiye gaz turuba liniyisi qurulush pilani heqqide chüshenche bérishni telep qildi.
Muxbirimiz jüme
2011.03.30

2006- Yili xitay dölet igidarchiliqidiki xitay néfit we tebi'iy gaz guruhi rusiye gazprom shirkiti bilen 4 ming kilométirliq tebi'iy gaz turubisi kélishimi imzalighan idi.

Mezkur turuba liniyisining 2 ming kilométir qismi qanas köli rayonidin ötidiken.

Xitay hökümiti ötken hepte xitay ormanchiliq ministirliqining turuba qurulushi pilanni testiqlighanliqini élan qilghan.

Xewerge qarighanda, béyjingdiki muhit qoghdash pa'aliyetchisi wang yongchén xanim xitayning munasiwetlik hökümet organlirigha téléfon qilip, mezkur liniye heqqide chüshenche bérishini telep qilghan.

Xewerde neqil qilishiche wang yongchén: bundaq dölet derijilik qurulush qarari peqet bir nechche hökümet emeldar teripidin chiqiralmasliqi kérek. Bolupmu iqtisadiy menpe'et hemmidin ela dep qaraydighan emeldarlar bundaq qararni téximu chiqarmasliqi kérek, dégen.

Bash shtabi xitayning béyjing sheherdiki muhit qoghdash teshkilati “Yéshi derya” guruppisidiki shong yang xitaydiki köpligen muhit qoghdash teshkilatlirining qanas kölining ékologiyilik muhitidin endishe qiliwatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.